25.08.2016 07:55

2184. Vigri RE 71. TFDM.

Vigri RE 71 var smíðaður hjá Flekkefjord Slipp & Maskinfabrikk A/S í Flekkefjord í Noregi árið 1992. 1.217 brl. 4.079 ha. Wartsiila vél, 3.000 Kw. Eigandi skipsins var Ögurvík h/f í Reykjavík frá 29 september 1992. Togarinn var seldur í júní 2016, Brim h/f í Reykjavík.


Vigri RE 71 við bryggju í Örfirisey.                                    (C) Þórhallur S Gjöveraa. 16 mars 2016.


Vigri RE 71 við Grandagarð.                                              (C) Þórhallur S Gjöveraa. 17 júní 2015.


Vigri RE 71 í slippnum í Reykjavík.                                     (C) Þórhallur S Gjöveraa. 3 júní 2015.


           Frystitogarinn Vigri verður áfram gerður út frá Reykjavík 

Eigendur Ögurvíkur hf. og Brim hf. hafa gert samkomulag um að Brim hf. kaupi allt hlutafé í Ögurvík hf.

Ögurvík hf. á og gerir frystitogarann Vigra RE-71 út frá Reykjavík.  Þá hefur Ögurvík hf., rekið söluskrifstofu fyrir sjávarafurðir og vélsmiðju sem m.a. framleiðir toghlera.

Á Vigra RE-71 eru tvær áhafnir, sem skipta með sér veiðiferðum, alls 54 manns. Aflaheimildir skipsins á þessu fiskveiðiári eru um 10.000 tonn upp úr sjó.

"Það er okkur eigendum Ögurvíkur hf. mikið fagnaðarefni að nú þegar við hyggjumst róa á önnur mið þá skuli öflug útgerð í Reykjavík taka við Vigra.  Það er okkur mikils virði að sem minnst röskun verði á högum sjómannanna en margir þeirra hafa unnið hjá fyrirtækinu í áratugi" segir Hjörtur Gíslason framkvæmdastjóri Ögurvíkur hf. í fréttatilkynningu um söluna. 

Fjórði frystitogari Brims

Brim hf. á og gerir út þrjá frystitogara frá Reykjavík, Guðmund í Nesi RE-13, Brimnes RE-27 og Kleifaberg RE-70.  Aflaheimildir skipanna nema um 24.000 tonnum upp úr sjó. Hjá fyrirtækinu vinna um 150 manns til sjós og lands.   

Brim hf. hyggst gera Vigra RE-71 áfram út frá Reykjavík að sögn Guðmundar Kristjánssonar forstjóra Brims.   

"Kaupin á Ögurvík hf. falla mjög vel að rekstri Brims. Brim gerir út þrjá frystitogara frá Reykjavík  og með kaupunum á Vigra styrkist rekstur félagsins. Það hefur sýnt sig að með stærri einingum verða íslensk sjávarútvegsfyrirtæki öflugri. Það á ekki síst við á erlendum mörkuðum þar sem íslenskur sjávarútvegur á í harðri samkeppni um sölu afurðanna. Það má ekki gleymast að þar ræðst afkoma okkar að stórum hluta." segir Guðmundur.   

Frétt á vef Fiskifrétta frá 6 júní 2016.


Flettingar í dag: 1093
Gestir í dag: 67
Flettingar í gær: 1325
Gestir í gær: 129
Samtals flettingar: 1254641
Samtals gestir: 354886
Tölur uppfærðar: 14.11.2018 13:48:20