25.09.2016 10:17

1661. Gullver NS 12. TFPG.

Gullver NS 12 var smíðaður hjá Flekkefjord Slipp & Maskinfabrik A/S í Flekkefjord í Noregi árið 1983 fyrir Gullberg h/f á Seyðisfirði. Smíðanúmer 132. 423 brl. 1.770 ha. Mak vél, 1.303 Kw. 1 október árið 2014 var Gullberg h/f selt Síldarvinnslunni h/f í Neskaupstað. Gullver NS 12 er gerður út frá Seyðisfirði undir merkjum Gullbergs h/f og verður það vonandi áfram um ókomna tíð.


Gullver NS 12 á toginu á Austfjarðamiðum.                                                            (C) Þór Jónsson.


Gullver NS 12.                                                                                                     (C) Þór Jónsson.


Gullver NS 12.                                                                                                     (C) Þór Jónsson.


Gullver NS 12.                                                                                                    (C) Þór Jónsson.

                          Gullver NS 12

Nýr skuttogari, m/s Gullver NS 12, bottist við fiskiskipastól landsmanna 12. júlí s.l., en þann dag kom skipið í fyrsta sinn til heimahafnar sinnar, Seyðisfjarðar. Gullver NS er smíðaður hjá Flekkefjord Slipp & Maskinfabrikk i Flekkefjord í Noregi og er smíðanúmer 132 hjá stöðinni. Gullver NS, sem er smíðaður eftir teikningu frá Ankerlökken Marine AIS, er tólfti skuttogarinn sem umrodd stöð smíðar fyrir íslendinga, en auk þess hefur stöðin séð um smíði á einum skuttogaraskrokk fyrir Slippstöðina, sem Slippstöðin lauk við frágang á og afhenti í apríl 1977 (Björgúlfur EA). Skrokkar allra þessara skuttogara eru smíðaðir hjá Kvina Verft í Noregi, sem annast hefur þann þátt smíðinnar fyrir Flekkefjord Slipp & Maskinfabrikk. Þeir skuttogarar sem stöðin hefur áður smíðað fyrir íslendinga eru: Júlíus Geirmundsson ÍS (nú Bergvík KE), Guðbjartur ÍS, Bessi IS, Framnes I ÍS og Björgvin EA, systurskip, mesta lengd 46.56 m; - Guðbjörg ÍS (nú Snofugl SU), Gyllir ÍS, Ásgeir RE og Ásbjörn RE, systurskip smíðuð eftir sömu frumteikningu, en 3.3 m lengri en upphaflegu skipin; - Júlíus Geirmundsson ÍS, mesta lengd 53.45 m; Guðbjörg ÍS, mesta lengd 55.40 m; og nú síðast Gullver NS, sem smíðaður er eftir sömu frumteikningu og 2. kynslóðin (togarar nr. 6-9) en breytt skrokklögun afturskips (meira skrúfupláss) og breytt fyrirkomulag einkum varðandi íbúðir og togþilfar. Togþilfar skipsins er að fyrirkomulagi til hliðstott því sem er í nýju Guðbjörginni, þ.e. gangur fyrir miðju fram að stefni með tveimur tvöföldum bobbingarennum og þilfarshús í síðum. Gullver NS er í eigu Gullbergs h.f á Seyðisfirði og kemur í stað samnefnds skuttogara (mesta lengd 40.0 m) sem keyptur var 4ra ára gamall til landsins árið 1972. Eldra skipið gekk upp í smíðasamning fyrir nýja skipið. Seyðfirðingar eiga fyrir einn skuttogara, Gullberg NS, smíðaður í Noregi árið 1977. Skipstjóri á Gullveri NS er Jón Pálsson og 1. vélstjóri Einar J. Hilmarsson. Framkvomdastjóri útgerðar er Adolf Guðmundsson.

Tímaritið Ægir 1 október 1983.

Flettingar í dag: 194
Gestir í dag: 63
Flettingar í gær: 1113
Gestir í gær: 218
Samtals flettingar: 1606577
Samtals gestir: 424380
Tölur uppfærðar: 19.10.2019 04:28:41