14.07.2021 13:28
E.s. Noreg EA 133. LCDK / TFVE.
Gufuskipið Noreg EA 133 var smíðað í Moss í Noregi árið
1902. 96 brl. 165 ha. 2 þennslu gufuvél. Ingvar Guðjónsson útgerðarmaður og
síldarsaltandi á Akureyri kaupir skipið í Noregi vorið 1923. Ingvar gerði
skipið út á síld og þorskveiðar, en þó mest á síld. Skipið var leigt vorið
1930, bræðrunum og skipstjórunum, Jóni og Birni Eiríkssonum og fl. í
Hafnarfirði. Skipið notuðu þeir til að safna lifur af færeyskum kútterum út af
suðvesturlandi, þá aðallega í Eyrarbakkabugt og við Vestmannaeyjar. Mun lifrin
hafa verið brædd um borð. Skipið var talið ónýtt og rifið á Akureyri árið
1936-37.
Noreg EA 133 við bryggju á Akureyri. Ljósmyndari óþekktur.
"Noreg"
Á Sunnudaginn kom Ingvar Guðjónsson skipstjóri með gufuskip,
er hann keypti í Noregi í vetur. Heitir það Noreg og er um 100 smálestir að
stærð. Mun það aðallega ætlað til síldveiða hér fyrir norðurlandi.
Verkamaðurinn. 17 apríl 1923.