Polar Amaroq var smíðaður hjá Societatea Comerciala Navol S.A. í Oltenita í Rúmeníu ( skrokkurinn ) fyrir Hellesöy Verft A.S. í Löfallstrand í Noregi. Skrokkur skipsins var svo dreginn til Noregs og skipið klárað hjá Hellesöy Verft A.S. árið 2004. 3.200 brl. 7.507 ha. Wartsiila díesel vél. Eigandi var K. Halstensen A/S í Östervoll í Noregi frá árinu 2004, hét Gardar. Skipið var lengt árið 2006. Selt 3 desember árið 2013, Polar Pelagic í Tasiilaq á Grænlandi sem Síldarvinnslan h/f í Neskaupstað á þriðjungshlut í. Heitir í dag Polar Amaroq GR 18-49 og er gert út frá Tasiilaq á Grænlandi. Burðargeta skipsins er 2.535 tonn, þar af 2.000 tonn í kælitanka. Frystigeta um borð er 140 tonn á sólarhring og er þá miðað við heilfrystan fisk en frystirýmið er fyrir 1.000 tonn.