23.07.2016 08:42

813. Svanur RE 88. TFHN.

Svanur RE 88 var smíðaður í Gautaborg í Svíþjóð árið 1944. Eik 74 brl. 180 ha. Skandia díesel vél. Hét áður Emanuel. Eigandi var Skaftafell h/f í Reykjavík frá 2 ágúst 1945. 28 júní 1949 voru eigendur skipsins Andrés Finnbogason, Þorbjörg Sigurðardóttir og Runólfur Pétursson í Reykjavík. Árið 1954 var sett ný vél í skipið, 480 ha. GM díesel vél. Nýtt stýrishús og vélarhús var sett á skipið árið 1960 og það endurmælt og mældist þá 81 brl. Stuttu síðar var einnig settur hvalbakur á skipið. Svanur fórst í róðri um 20 sjómílur út af Kópanesi, 22 desember árið 1966 með allri áhöfn, 6 mönnum.

Svanur RE 88 eins og hann leit út þegar hann kom til landsins árið 1945.

Svanur RE 88. Þarna kominn með nýtt stýrishús.

Svanur RE 88. Hvalbakur kominn á skipið.                                              (C) Myndir: Snorri Snorrason.

Hraðfrystihúsið í Hnífsdal hafði haft skipið á leigu frá því um sumarið. Þeir sem fórust með Svani RE 88 voru; 

Ásgeir Karlsson skipstjóri. Hnífsdal.
Einar Jóhannes Lárusson stýrimaður. Hnífsdal.
Friðrik Maríasson 1 vélstjóri. Hnífsdal.
Jón Helgason 2 vélstjóri. Hnífsdal.
Jóel Einarsson matsveinn. Hnífsdal.
Hermann Lúthersson háseti. Reykjavík.




Flettingar í dag: 756
Gestir í dag: 93
Flettingar í gær: 1085
Gestir í gær: 257
Samtals flettingar: 1491016
Samtals gestir: 404148
Tölur uppfærðar: 18.7.2019 13:11:55