23.09.2016 11:17

2410. Vilhelm Þorsteinsson EA 11. TFCM.

Vilhelm Þorsteinsson EA 11 var smíðaður hjá Stocznia Polnocna í Gdansk í Póllandi og hjá Klevin Verft A/S í Ulsteinvik í Noregi árið 2000. Smíðanúmer 310. 1.632 brl. 7.505 ha. Wartsiila vél, 5.520 Kw. Skipið er í eigu Samherja h/f á Akureyri.

Vilhelm Þorsteinsson EA 11 við Grandagarð.                             (C) Þórhallur S Gjöveraa. 6 júlí 2015.

Vilhelm Þorsteinsson EA 11 í Hafnarfjarðarhöfn.                       (C) Þórhallur S Gjöveraa. 29 júlí 2016.

               Nýtt flaggskip fiskiskipaflotans

Fjölmenni fagnaði komu nýs fjölveiðiskips Samherja h/f, Vilhelms Þorsteinssonar EA 11, er skipið kom til heimahafnar á Akureyri á sunnudag. Þetta er í fyrsta skipti sem Akureyringar fagna komu nýs skips til heimahafnar frá því Baldvin Þorsteinsson EA 10, frystitogari Samherja, kom til Akureyrar árið 1992. Anna Kristjánsdóttir, ekkja Vilhelms Þorsteinssonar, fyrrum framkvæmdastjóra Útgerðarfélags Akureyringa og skipstjóra, gaf skipinu nafn en séra Svavar Alfreð Jónsson, sóknarprestur á Akureyri blessaði skipið. Þá afhenti Jarle Gjerde, forstjóri Kleven Verft skipasmíðastöðvarinnar í Noregi, Kristjáni Vilhelmssyni, framkvæmdastjóra útgerðarsviðs Samherja og eins af aðaleigendum fé- lagsins, skipið formlega til eignar.
Vilhelm Þorsteinsson EA er eitt stærsta og glæsilegasta skip íslenska fiskiskipaflotans. Það er 79 metra langt, 16 metra breitt, og 5.520. kílówatta aðalvél. Það er búið bæði til nóta og flottrollsveiða og um borð er fullkominn búnaður til frystingar og vinnslu á bolfiski, síld, loðnu og kolmunna. Frystigeta afla í vinnslu er um 120 tonn á sólarhring og burðargeta afla til bræðslu um 2.500 tonn. Frystilestir skipsins rúma um 650 tonn af frosnum afla og um 1.200 tonn af fiski í kælitönkum.Íbúðir eru fyrir 28 manna áhöfn og aðbúnaður allur eins og best verður á kosið. Ganghraði skipsins er 18,2 sjómílur og togkraftur 90 tonn við fullt átak. Áætlaður heildarkostnaður við nýsmíðina er um 1.500 milljónir króna. Frumhönnun skipsins var í höndum starfsmanna Samherja og Skipatækni hf. en Teiknistofa Karls G. Þorleifssonar á Akureyri annaðist hönnun á vinnsludekki ofl. Skipasmiðastöðin Stocznia Polnocna í Gdansk í Póllandi annaðist smíði skrokksins og hófst verkið um mitt síðasta ár. Þar var skipinu hleypt af stokkunum í mars sl. Kleven Verft AS í Ulsteinvik í Noregi annaðist framhald smíðinnar. Skipstjórar nýja skipsins verða tveir, þeir Arngrímur Brynjólfsson og Sturla Einarsson en þeir hafa báðir stýrt skipum Samherja um langt árabil. Arngrímur var áður skipstjóri á Þorsteini EA og Baldvin Þorsteinssyni EA en Sturla var síðast skipstjóri á Akureyrinni EA. Áætlað er að skipið haldi í sina fyrstu veiðiferð í lok næstu viku.

Morgunblaðið 5 september 2000.

Flettingar í dag: 148
Gestir í dag: 57
Flettingar í gær: 1113
Gestir í gær: 218
Samtals flettingar: 1606531
Samtals gestir: 424374
Tölur uppfærðar: 19.10.2019 03:57:29