H.P. Duus

Danskir kaupmenn settu svip sinn á Keflavík á 19.öld. Duus húsin niður við sjó þekkja allir en þau byggðu Duus fjölskyldan. Árið 1848 settust Duushjónin, Peter og Ásta Tómasdóttir Bech, að í Keflavík og Iögðu brátt drög að einu helsta verslunar- og útgerðarstórveldi landsins. Peter Duus var danskur og hans er getið í kjörskrá árið 1852 en þar segir að hann eigi Keflavíkurjörðina, mestan hluta núverandi bæjarlóðar Keflavíkur, og þessu til viðbótar jörð í Kjósarsýslu.
Duusfeðgarnir Peter og Hans Peter voru atkvæðamiklir í atvinnulífi Keflavíkur um aldamótin 1900. Þess er getið í Sögu Keflavíkur að Duusverslun hefði oft hjálpað fólki í harðindum og að engin mannamunur hafi verið gerður hvort heldur viðskiptavinir hugðust staðgreiða vöruna, eða þurftu að fá hana lánaða. Þegar Peter Duus andaðist árið 1868 tók sonur hans Hans Peter (oftast nefndur H.P.) við fyrirtækinu ásamt tengdasyninum Daníel Johnsen. En þeir skiptu síðan eignum fjölskyldunnar og hélt H.P. eftir m.a. eignunum í Keflavík. H.P. var einstakt valmenni sem öllum var hlýtt til, sem honum kynntust. Hann kvæntist Kristjönu dóttur Sveinbjöms Ólafssonar kaupmanns í Keflavík, einstakri mannkosta- og merkiskonu.
H.P. og Kristjana Duus fluttust til Kaupmannahafnar árið 1881 qg tók þá mágur Duus, Ólafur Ásbjörn Olavsen, við rekstri fyrirtækisins í Keflavík en H.P. rak erindi fyrirtækisins í Kaupmannahöfn. H.P. lést árið 1884 og rak Kristjana Duusverslun um árabil eftir það. Laust eftir aldamótin fluttust aðalstöðvar Duus til Reykjavíkur. Undir þessu nafni var drifin fræg verslun í höfuðstaðnum og brátt varð H.P.Duus eitt helsta stórveldi í þilskipaútgerð á landinu. Duusverslun í Keflavík hélt velli fram undir 1920 en þá var hún seld Matthíasi Þórðarsyni frá Móum.

Víkurfréttir. 21 desember 2000.

          Afdrif kútters Keflavíkur

Sunnudaginn 7. ágúst s.l. kom Færeyingur til mín í byggðasafnið. Er við skoðuðum gamla mynd af kútter Keflavík, sem Duusverslun átti og Olafur A. Olafsson keypti frá Englandi, spurði ég komumann um afdrif skipsins. Færeyingurinn tjáði mér að kútterinn hafði verið seldur til Englands á ný. Kaupandi var skipasmíðastöðin sem smíðaði skipið, en þar var það fært í upprunalegt horf. Í júníblaði Faxa 1970 vék ég örlítið að smíði skipsins og sölu þess til Íslands. Skipið seldi Duus - verslun til Færeyja nál. 1929 og þar var sett á það stýrishús og bjóðaskýli. Þannig leit það út í júlí 1969 er ég tók af því augnabliksmynd við slæm skilyrði. Myndin birtist í júní - blaði Faxa 1970.

Skúli Magnússon safnstjóri.
Faxi. 1 nóvember 1994.