Togspilið úr togaranum Óla Garða GK 190 þjónaði sínu hlutverki í Drafnarslippnum í Hafnarfirði í áratugi. Ég tók þessar myndir af spilinu í spilhúsinu í september árið 2013. Engin starfsemi hefur verið í slippnum í mörg ár og allsendis óvíst hvað verður um þetta merka spil sem staðið hefur sína plikt í bráðum heila öld. Spilhúsið er opið fyrir veðrum og vindum og er lýsandi dæmi um hvernig við förum með minjar sem heyra til útgerðarsögu okkar. Það er allsstaðar sama sagan hér á landi hvernig komið er fyrir minjum sem þessum, því miður.