Birtingur NK 119 var smíðaður hjá Flekkefjord Slipp & Maskinfabrik Verksted A/S í Flekkefjord í Noregi árið 1967 fyrir Síldarvinnsluna h/f í Neskaupstað, smíðanúmer 91. 306 brl. (275 brl.ný mæling). 800 ha Lister díesel vél. Kom nýr til Neskaupstaðar 6 júlí 1967. Skipið var selt 14 desember 1972, Þrótti h/f í Grindavík, hét Albert GK 31. Skipið var lengt og yfirbyggt árið 1976, mældist þá 316 brl. Ný vél, 1.450 ha. Alpha díesel vél var sett í skipið 1977. Lengt aftur 1987, mældist þá 335 brl. Ný vél, 1.470 ha. MAN B&W, 1.081 Kw var sett í skipið 1989. Skipið var selt 1996, Oddeyri h/f á Akureyri, hét Oddeyrin EA 210. Frá 27 nóvember 1997 er Samherji h/f á Akureyri skráður eigandi skipsins. Skipið var selt til Danmerkur í brotajárn haustið 2005.