Línuveiðarinn Namdal RE 260 var smíðaður í Þrándheimi í Noregi árið 1907. Stál 99 brl. 130 ha. 2 þjöppu gufuvél. Eigendur voru Magnús Kristjánsson og Stefán Jóhannsson í Reykjavík frá 12 júní 1924. Árið 1930 var talinn eigandi dánarbú Magnúsar Kristjánssonar á Akureyri. Skipið rak upp í fjöru í ofsaveðri í Hafnarfirði haustið 1931 og eyðilagðist. Einnig rak á land í óveðri þessu og eyðilagðist, línuveiðarinn Eljan SU 433 sem var í eigu h/f Júní í Hafnarfirði. Eljan var smíðuð í Álasundi í Noregi árið 1908 og var 82 brl. að stærð.