Svanur RE 88 var smíðaður í Gautaborg í Svíþjóð árið 1944. Eik 74 brl. 180 ha. Skandia díesel vél. Hét áður Emanuel. Eigandi var Skaftafell h/f í Reykjavík frá 2 ágúst 1945. 28 júní 1949 voru eigendur skipsins Andrés Finnbogason, Þorbjörg Sigurðardóttir og Runólfur Pétursson í Reykjavík. Árið 1954 var sett ný vél í skipið, 480 ha. GM díesel vél. Nýtt stýrishús og vélarhús var sett á skipið árið 1960 og það endurmælt og mældist þá 81 brl. Stuttu síðar var einnig settur hvalbakur á skipið. Svanur fórst í róðri um 20 sjómílur út af Kópanesi, 22 desember árið 1966 með allri áhöfn, 6 mönnum.