13.04.2017 15:48

1476. Hjalteyrin EA 306. TFPY.

Hjalteyrin EA 306 var smíðuð hjá Flekkefjord Slipp & Maskinfabrikk A/S í Flekkefjord í Noregi (skrokkurinn) og skipið síðan klárað hjá Slippstöðinni h/f á Akureyri árið 1977. 424 brl. 2.103 ha. Wichmann díesel vél, 1.546 Kw. Eigandi var Útgerðarfélag Dalvíkinga h/f á Dalvík frá 16 apríl árið 1977. Skipið er gert út af Samherja Ísland ehf á Akureyri í dag en heimahöfn skipsins er á Dalvík. Skipið hét áður Björgúlfur EA 312 þar til í þessari viku, en nýtt skip með þessu nafni er væntanlegt á næstunni til landsins. Ég tók þessar myndir í dag af Hjalteyrinni í Hafnarfjarðarhöfn.