Farþegaskipið Gullfoss ll var smíðaður hjá Burmeister & Wain í Kaupmannahöfn árið 1950 fyrir hf Eimskipafélag Íslands. 3.858 brl. 4.025 ha. B & W díesel vél, 2.960 Kw. Var skipinu hleypt af stokkunum 8 desember árið 1949 og var svo afhentur eigendum sínum 27 apríl árið eftir. Gullfoss var seldur til Beirút í Líbanon árið 1973. Endalok skipsins urðu þau að það eyðilagðist í eldsvoða á Rauðahafi 18 desember árið 1976 og sökk þar. Hét þá Mecca og var í pílagrímsflutningum frá Jeddah í Saudi Arabíu til Port Sudan í Súdan. Mannbjörg varð. Líkanið af Gullfossi er í sjóminjasafninu Víkinni. Glæsilegt handverk.